लेके गोदी में खिला ल्यो

गिगालियो : छोटा बच्चा जिसे अधिक लाड प्यार से रखा जाता है।

लेके गोदी में खिला ल्यो,
बिलखे थारो गिगलियो,
लेके गोदी में खिला ल्यो,
यो बिलखे थारो गिगलियो,
गिगलियो जी थारो, गिगलियो।।

कोमल कोमल पावां सूं,
यो मंदरिये में घूमें,
चोघर जूं घुमावे नजरिया,
साँवरिया ना दिखे,
लेके बार बार बाबा, थारो नाम,
ढलकावे आंसू गिगलियो,
लेके गोदी में खिला ल्यो बाबा श्याम,
यो बिलखे थारो गिगलियो
गिगलियो जी थारो, गिगलियो।।

ना समझ अनजान है बाबा,
थोड़ी दया थे कर ल्यो,
देख नहीं गर पावे बाबा,
थे ही नजर इब कर ल्यो,
थारे सेवकये री,
राखो बाबा लाज,
यो शरण आयो गिगलियो,
लेके गोदी में खिला ल्यो,
बिलखे थारो गिगलियो,
गिगलियो जी थारो, गिगलियो।।

करे यो इशारो थारे कानी,
गोदी माहि लेके,
हाथ जुड़ाया थारे कानी,
जय श्री श्याम कह के,
रुद्रा फूल्यो ना समावे,
बाबा श्याम,
यो खिल के हँसे गिगलियो,
लेके गोदी में खिला ल्यो,
बिलखे थारो गिगलियो,
गिगलियो जी थारो, गिगलियो.........
download bhajan lyrics (161 downloads)