ऐ हे कटे लगाई देर भेरू जी

ऐ हे कटे लगाई देर भेरू जी,
कटे लगाई वो देर थारे हुना मंदिर में खेले डाकनिया....  

ऐ हे  गयो सिसोदा माय,
भोपा गयो सिसोदा माय,
भेरू मिलग्या में वाता लागिया,  
ऐ हे कटे लगाई देर भेरू जी....
 
ऐ हे गयो रे दामनिया माय,  
भोपा गयो रे दामनिया माय,
भेरू मिलग्या रे मोड़ो होवग्यो,
ऐ हे कटे लगाई देर भेरू जी....
                                                                                           
ऐ हे गयो नाडोल माय,  
भोपा गयो रे नाडोल माय,
माँ आशापुरा मिलगया में वाता लागिया,
माँ जगदम्बा मिलगया रे मोड़ो होवग्यो,
ऐ हे कटे लगाई देर भेरू जी....

ऐ हे गयो रे चित्तोड़ माय,
भोपा गयो रे चित्तोड़ माय,
माँ काली मिलगया रे वाता लागिया,  
ऐ हे कटे लगाई देर भेरू जी....  
                                       
गयो रे गातोड़िया माय,
भोपा गयो गातोड़िया माय,
धर्म राज मिलग्या रे मोड़ो होवग्यो,
ऐ हे कटे लगाई देर भेरू जी....

ऐ हे गयो रे देबारी माय,
भोपा गयो रे देबारी माय,
चामुंडा मिलग्या में वाता लागिया,
ऐ हे कटे लगाई देर भेरू जी....
श्रेणी
download bhajan lyrics (58 downloads)